Проценка на социоекономското влијание

Од макроекономска перспектива, пандемијата со КОВИД-19 сериозно ќе го погоди кружниот тек во националната економија. Нарушувањата ќе стават силен притисок врз стапките на невработеност и сиромаштија и ќе предизвикаат назадување кај резултатите во развојот постигнати пред кризата. Мерките за здравствена заштита, фискалниот стимул и потребните структурни и институционални интервенции можат да ја вратат економијата на патот пред кризата најрано на крајот од 2023 година. Пандемијата најверојатно ќе предизвика намалување во БДП од 4,0%. Невработеноста беше во опаѓање над една деценија и беше проектирано да достигне 16,8% оваа година. Меѓутоа, поради отпуштањата од работа и исклучително малото отворање нови работни места, проектирано е да достигне 20,4% до крајот на 2020 година. Овие трендови неминовно ќе влијаат врз стапката на сиромаштија, која според нашите прогнози, ќе се зголеми до 21%.