Проценка на социоекономското влијание

Буџетските приходи брзо опаѓаат и се очекуваат значителни дефицити во буџетираните износи во Ребалансот на буџетот за 2020 година. Споредено со Постојниот буџет за 2020 година, приходите на владата сега се очекува да се намалат за околу 415 милиони евра, што претставува намалување за 11,5%. Во апсолутна смисла, најголемото потфрлање во приходите се очекува кај приходите од ДДВ (без поврат) (125 милиони евра), приходите од акцизи (90 милиони евра) и приходите од данок на добивка (88 милиони евра). Во релативна смисла, приходите од данокот на добивка веројатно ќе опаднат за неверојатни 33,8%, што укажува на сериозно влошување на профитабилноста. Пандемијата веројатно ќе доведе до зголемен долг и дефицити поголеми од оние евидентирани за време на Глобалната финансиска криза во 2009 година.